18 жилийн турш гэрээ хэлэлцээр хийсний эцэст өчигдөр ОХУ Олон Улсын Худалдааны байгууллагын гишүүнээр элссэн тухай ВВС мэдээлэв.

Гишүүнээр элсэх ёслол Швейцарьт болсон юм. Гүрж улс энэ оны эхээр ОХУ-ын гишүүнээр элсэхийг саатуулах оролдлогыг шийдсэний дараа ийнхүү Орос улс ОУХБ-ын гишүүн боллоо. Хятад улс 2001 онд энэ байгууллагад гишүүнээр элссэн бөгөөд одоо дэлхийн 20 том гүрэн ОУХБ-ын гишүүн болоод байна.

Женев хотод болсон ОУХБ-ын хурлын индрээс ОХУ-ын Ерөнхийлөгч Д.Медведев “Удаан хугацаанд хийсэн хэлэлцээрийн үр дүн нь Орос болон ирээдүйн түншүүдэд сайн боллоо” хэмээжээ. Мөн АНУ-ын Ерөнхийлөгч Б.Обама Д.Медведевт ОУХБ-ын албан ёсны гишүүн болсонд баяр хүргэн, утсаар ярьсан байна.