Хувцас загварын чиг хандлагыг тодорхойлдог “Гоёл” наадмын түрүүг хэн авах бол гэсэн асуулт хэдийгээр хариултаа олсон ч шинэ топ тодрох хүртэл “Гоёл”-ын зааланд өөр нэгэн бүсгүйн нэр хүчтэй дэмжигдэж байлаа. Тэр нь “Мисс Монголиа-2009” тэмцээний ялагч, мисс Х.Бадамгэрэл гэх эмэгтэй байсан юм. Моделиуд дундаасаа өнгө төрх, алхаа гишгээ гээд олон зүйлээрээ ялгарч байсан энэ бүсгүйд топын титэм хараахан ирээгүй ч их л ойрхон байгааг “Гоёл-2012” өөрт нь мэдрүүлсэн биз ээ.

“Гоёл” наадмын түүхэн дэх 13 дахь топ моделиор Ч.Ундрах тодорсныг дахин сануулъя. Олон жил загварын тайзнаа даруухнаар амьдарсан туршлагатай модель бүсгүйг ТОП-оор өргөмжлөгдсөнд үзэгчид талархалтай байгаа билээ.