Засгийн газрын өчигдрийн хуралдаанаар чөлөөт бөх, самбо, сонирхогчдын шатар, кикбокс, мутай кикбокс, жиу жицу бөх, олон улсын таэквондо, пара жүдо бөх, пара хөнгөн атлетик, чөлөөт бөхийн залуучуудын, шатар, чөлөөт бөхийн өсвөр үеийн дэлхийн аварга шалгаруулах тэмцээн, буудлага, жүдо бөх, кудо, самбо бөхийн дэлхийн цомын аварга шалгаруулах тэмцээнд амжилттай оролцож, медаль хүртсэн 61 тамирчин, 28 дасгалжуулагчид мөнгөн шагнал олгохоор болов. Манай тамирчид 2011 онд тивийн наадам, дэлхийн зэрэглэлийн тэмцээнээс 16 алт, 29 мөнгө, 40 хүрэл медаль хүртжээ. Мөн олимпийн 8 эрх, паралимпийн 9 эрх аваад байна.