“Монголын төмөр зам” ТӨХК-ийн импортлож буй шинэ зүтгүүрийн  талаар Английн олон улсын төмөр замын сэтгүүлд “Хятадын зүтгүүрийг Монголд экспортлоно” гэсэн гарчигтайгаар нийтлэгдсэн мэдээллийг www.railwaygazette.com  цахим хуудас ишлэл болгон, энэ сарын 12-нд мэдээлжээ. 

“Монголын төмөр зам” ТӨХК-ийн зүгээс өөрсдөө загварыг нь гарган, захиалсан илчит тэрэг улбар шар өнгөтэй байх бөгөөд үндэсний хэв маягаар “гоёжээ”. Монгол үндэсний хэв маягийг илтгэсэн  илчит тэргийг орчин үеийн дэвшилтэт технологиор үйлдвэрлэсэн  бөгөөд  3600 морины  хүчин чадалтай, 16V240ZJD маркийн  дизель хөдөлгүүртэй ажээ. Зүтгүүрийг ирэх оны эхээр Монголд авчирах юм байна.