“Гоёл-2012” наадам өчигдөрхөн буюу энэ сарын 15-нд шилдгүүдээ шалгаруулсан билээ. Жилийн жилд "Гоёл"-ын тайзыг чимдэг топуудаас энэ удаа Г.Уранцэцэг, Ч.Уранбилэг, Э.Сэлэнгэ, О.Уянга нар загварын наадамдаа оролцлоо. Үзэгчид топ модель Д.Пүрэвсүрэн, Х.Ундраа нарыг сураглах нь цөөнгүй байв. Загварынхан дундаа хамгийн даруу төлөв, боловсролтой гэгддэг  2004 оны топ модель Х.Ундраа "Гоёл-2012"-ыг өнжихөөр шийдсэн төдийгүй үзэгчдийн суудалд ч харагдсангүй. Түүнийг бие давхар болсон бөгөөд Америкт амьдарч байгаа гэсэн мэдээлэл зарим хэвлэлээр гараад байгаа юм.