“Х-Түц” продакшны жүжигчин Д.Баттөмөр буюу Батааг үзэгчид андахгүй ээ. Сүүлийн үед Батаа жинхэнэ “од” болоод байгаа. Тэрбээр сүүлийн үед гарч байгаа бараг л бүх кинонд туслах болон гол дүр бүтээж, киноны “чимэг” болж яваа. Тэгвэл залуу жүжигчин Батаагийн гэр бүлийг бид энэ удаад танилцуулж байна. Тэрбээр өнгөрсөн есдүгээр сарын 22-нд хуримаа хийсэн бөгөөд хосууд хөөрхөн охинтой юм.

Заяаны хосууд адилхан гэдэг дээ. Тэгвэл Батаа болон түүний гэргий хоёр хоорондоо ихэр гэмээр адилхан аж. Энэ талаар жүжигчин Батаа хэлэхдээ “Адилхан шүү, бид хоёр. Одоохондоо манай эхнэр хүүхдээ хараад гэртээ байгаа. Охиноо жаахан том болоод ирэхээр дахин сурах юм. Яг одоогоор бол бид хоёрын амьдрал ид буцалж байна” хэмээн нэгэн ярилцлагадаа дурджээ.