Өмнөговь айм­гийн хэмжээнд он гарсаар 153 халдварт шар өвчин бүртгэгдсэн байна. Зөвхөн өнгөрсөн арваннэгдүгээр сард л гэхэд 69 өвчлөл гарчээ. Харин энэ сар гарсаар дахин 19 халдварт өвчин гарсан бөгөөд ихэнхдээ гэр хорооллоос буюу дөрөвдүгээр сургууль болон есдүгээр цэцэрлэгээс гарсан байна. Мөн хөдөө орон нутгаас Гурвантэс сумын Овоотын цэргийн ангийн цэцэрлэгийн насны хүүхдүүд энэ өвчнөөр бүртгүүлсээр байгаа юм. Түүнчлэн Цогтцэций суманд өвчлөл буурахгүй байна.

Аймгийн Засаг даргаар ахлуул­сан “Халдварт өвчинтэй тэмцэх аж­лын хэсэг” саяхан шуурхай хуралдлаа. Тус хуралдаанаар төлөвлөгөө гар­ган сургалт сурталчилгааг сайж­руулах, голомтот газар халдваргүй­жүүлэлт, ариутгал хийн сургуулийн хүүхдүүдийг дархлаажуулалтад хамруулах ажлыг зохион байгуулж байна.

Өмнөговь аймагт эрчим хүчний хязгаарлалт хийж байгаа нь тус үйл ажиллагаанд нэрмээс болж, явуулж буй сургалт сурталчилгаа эзэндээ хүрэхгүй үр дүн муутай байгаа аж. Иймд өнгөрсөн долоо хоногт Даланзадгад сумын Дунд сайхан хорооллын нэгээс наймдугаар гудамжны айл, өр­хүүдээр ажлын хэсэг явж, сургалт хийжээ. Халдварт шар өвчин бол бохир гарын өвчин тул үүнээс сэргийлэхийн тулд гарын ариун цэврийг сайтар сахихыг мэргэжилтнүүд зөвлөж байна.