УИХ-аар Нийтийн албанд нийтийн болон хувийн со­нирхлыг зохицуулах, со­нирх­лын зөрчлөөс урьдчилан сэр­гийлэх тухай хуулийн төс­лийг хэлэлцэж байгаа. Энэ нь бид­ний нэрлэж заншсанаар Со­нирхлын зөрчлийн тухай хууль юм. Энэхүү хуулийн тө­сөлд тусгаснаар УИХ-ын ги­шүүд сонирхлын зөрчилтэй бол тухайн асуудлаар шийд­вэр гаргахгүй татгалзах учиртай юм. Татгалзлаа гээд ажлаа хийх хэрэггүй гэсэн үг биш. Зөв­хөн өөрийнх нь эзэмшлийн, хувь эзэмшдэг компанийн үйл ажиллагааны чиглэлтэй нь холбоотой хуу­лийн төсөлд санал, үг хэлэхгүй байхад л сонирхлын зөрчил арилна гэж хуулийн төсөл санаачлагчид үзэж байгаа юм. Гэтэл энэ нь УИХ-ын гишүүдийн дургүйцлийг бага зэрэг хүргэж буй. Тэгэхээр хэн нэгнийг уурлуулж, бу­химдуулахгүйгээр асуудлыг шийдэх нэг арга байна. Ингэ­хийн тулд эхлээд сонирхлын зөрчилтэй гишүүд гэгдээд байгаа “Монгол тамхи со” компанийн захирал Ц.Даш­дорж, “Бридж” груп­пийг үүс­гэн байгуулагч, УИХ-ын гишүүн Д.Ганхуяг, “Хурд” ком­панийн эзэн, УИХ-ын гишүүн Б.Чойжилсүрэн, “Кёкүшю” группийн эзэм­шигч Д.Кёкүшюзан Батбаяр болон барилга, зам, архины компанитай  гишүүдийг ад үзэж болохгүй юм. Харин ч эс­рэгээрээ дэмжих хэрэгтэй. Тэд дэмжүүлэхийн тулд со­нирх­лын зөрчилтэй гэх салбарынхаа хуулийг сайж­­руулах нь чухал. Өөрөөр хэлбэл, УИХ-ын ги­­шүүн Ц.Дашдорж Там­хи­­ны хянал­тын тухай хуу­лийн төслийг санаачилж, ча­нар­жуулах нь илүү дээр шүү дээ. Учир нь тэд али­ваа бизнесийг эрхлэхэд хүнд­рэлтэй зүйл юу байна вэ гэд­гийг сайн мэддэг хүний хувьд бизнес болон эрх зүйн орчныг нь улам сайжруулна уу гэхээс дордуулахгүй нь лавтай. Харин Д.Кёкүшюзан Батбаярын хувьд спорт, урлаг, уул уурхай, барилга гээд олон салбарыг дээрдүүлэхийн тулд хуулийн төсөл са­наа­чилж болох юм. Ингэвэл маргалдаад байгаа асуудлыг  шийдвэрлэлээ л гэсэн үг. Тиймээс тэдний дууг хорихын оронд хүчтэй дуугарах нөх­цөлөөр хангах нь хамгийн зөв алхам гэдгийг бодож үзэх хэрэгтэй шүү, хуулийн төсөл санаачлагчид аа.