Хүчирхэг хоолой, өвөрмөц өнгөөр үргэлж олныг гайхшруулж байдаг дуучин С.Наран өнгөрсөн баасан гаригт “Сайхан” нэртэй бие даасан 12 дахь цомгийн нээлтээ “River Sounds” клубт хийсэн билээ. Энэ үеэр дуучин бүсгүй хоёр ч шинэ клипээ үзэгчдэд сонирхуулсан. Түүний нэг нь цомогт багтсан “Амьдралын зураг” хэмээх дууны клип байв. Энэ дуу их онцлог. Дуучин С.Нарангийн бас нэгэн авьяас илэрч, тэрбээр энэхүү дууныхаа хөгжмийг өөрөө зохиосон гэнэ лээ.