УИХ-ын Төрийн байгуулалтын байнгын хорооны хуралдаан өнөөдөр 09.30 цагт зарлагдсан ч одоо хэр нь эхлээгүй байна. Уг хуралдаан Төрийн ордны “А” танхимд болох ёстой ч одоогоор хуралдаан зохион байгуулагчид төдийгүй УИХ-ын гишүүд ч ирээгүй байгаа юм. Ирц бүрдсэн нөхцөлд Монгол Улсын Их хурлын сонгуулийн тухай хуулиудын нэгтгэсэн төслийн эцсийн хэлэлцүүлгийг хийх ёстой. УИХ дахь хоёр намын бүлгийн хувьд үндсэндээ 48-аас 28 руу шилжих босго дээр ойлголцолд хүрчихнэ гэсэн мэдэгдлийг өчигдөр бүлгийн дарга нар нь өгсөн. Тиймээс байнгын хорооны хуралдаан саадгүй явах бололцоо харагдаж буй юм.

Мөн тус байнгын хорооны хуралдаанаар Монгол Улсын Ерөнхийлөгчийн сонгуулийн тухай хуульд нэмэлт оруулах тухай хуулийн төсөл /Төсвийн тогтвортой байдлын тухай хуулийн төслийг дагалдан өргөн мэдүүлэгдсэн, эцсийн хэлэлцүүлэг/, Орон нутгийн Хурлын сонгуулийн тухай хуульд нэмэлт, өөрчлөлт оруулах тухай хуулийн төсөл /Засгийн газраас өргөн мэдүүлсэн, анхны хэлэлцүүлэг/, Монгол Улсын Их Хурлын тухай хуульд өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүд /Улсын Их Хурлын гишүүн С.Бямбацогт нараас өргөн мэдүүлсэн, анхны хэлэлцүүлэг/, Монгол Улсын Их Хурлын тухай хуульд нэмэлт оруулах тухай хуулийн төсөл /Улсын Их Хурлын гишүүн Ж.Сүхбаатар нараас өргөн мэдүүлсэн, анхны хэлэлцүүлэг/ хийнэ.