Эрчүүдийн “Men"s Health” сэтгүүл энэ цаг үеийн хамгийн дур булаам бүсгүйгээр Холливудын жүжигчин Женнифер Анистоныг нэрлэжээ. Анистоныг сонгосон шалтгаан нь түүний энэ онд тоглосон “Horrible Bosses” киноны сээтэгнүүр шүдний эмчийн дүртэй ч холбоотой байж мэдэх юм. Харин түүнтэй нэгэн цагт ханилж байсан Брэдийн сэтгэлийг булааж орхисон, эвлэршгүй өрсөлдөгч Анжелина Жоли жагсаалтын аравдугаарт бичигдсэн гэнэ. Харин эхний тавд Ракель Уэлч, Мерилин Монро, Бритни Спирс, Мадонна нар багтжээ. Харин секс симбол гэгддэг Памела Андерсон, Жейн Фонда нар тэдний араас бичигджээ.