Монгол Улсын Ерөнхий сайд С.Батболд Индонезид айлчилж Балийн ардчиллын уулзалтад оролцоод бямба гаригт эх орондоо ирэх байсан юм. Гэвч  Улаанбаатар хот орчим хоёр өдрийн турш өтгөн мананд хучигдсаны улмаас Ерөнхий сайдын хөлөглөсөн онгоц бууж чадалгүй Бээжин рүү буцжээ. Бээжинд хоёр хоносон Ерөнхий сайд С.Батболдын онгоц өнөө өглөө БНХАУ-ын нийслэлээс хөөрч, одоо Улаанбаатарын “Чингис хаан” олон улсын буудалд газардах дөхөж байгаа аж.

Ерөнхий сайдын айлчлалын багийнхан хоёр хуваагдаж хэвлэл, мэдээллийн хэсэг Сөүл хотод үлджээ. Сөүлд үлдсэн хэвлэлийнхэн өнөөдөр 13.00 цагаас Улаанбаатар руу нисэх юм байна.