Урьдчилан хорих төвд хоригдож байгаа экс ерөнхий сайд Юлия Тимошенког Украины эрчим хүчний нэгдсэн систем корпорацийн хэргээр мөрдөн байцааж байгаа учраас түүнийг дахин баривчлан саатуулах шийдвэрийг Киев хотын Шевченкогийн районы шүүх гаргажээ.

Гэмт хэргийн бүрдэл, нөхцөл байдал нь түүнийг хорих шаардлагатай Тимошенко эрх чөлөөтэй байвал гэрч нарт болон мэдээлэл цуглуулахад саад болно гэж шүүх үзжээ. “Тэд Тимошенкогоос ихээхэн айж байгаа учраас түүнийг хоёр дахь удаагаа, гурав, арав дахь удаагаа гэх мэтээр баривчлахад бэлэн байна” хэмээн Тимошенкогийн өмгөөлөгч Сергей Власенко мэдэгдэв. Нэгэнт шоронд хоригдож байгаа хүнийг дахин баривлахаар болсон нь жинхэнэ утгагүй хэрэг гэдгийг тэр бас хэлжээ.