Түгжрэл нийслэлийнхний халааснаас хэдийг авдаг вэ | News.MN

Түгжрэл нийслэлийнхний халааснаас хэдийг авдаг вэ

Хуучирсан мэдээ: 2011.12.09-нд нийтлэгдсэн

Түгжрэл нийслэлийнхний халааснаас хэдийг авдаг вэ

Орой ажил тараад, 19 цагийн үед харих гэснээ жаахан азная гэж бодлоо. Учир нь өдийд гарвал түгжрээнд ороод, ямар ч нэмэргүй шүү дээ.

19 цагт ажлаасаа гараад бүтэн нэг цаг автобус, эсвэл таксинд сууж байснаас цагийн дараа гарвал ядахдаа 30 минутын дотор гэртээ харьчихна. Сүүлийн хэдэн жилд Улаанбаатарын замын түгжрэл ийнхүү хэрээс хэтэрсэн тул иргэд ажлаа ч эртхэн дуусгаад, эрт гэртээ харьж чадахаа байжээ. Аргагүй шүү дээ, хэн ч бүтэн цаг зүгээр л таксинд суусныхаа төлөө, эсвэл автобусанд сэгсчигдэх гэж мөнгө төлөхийг хүсэхгүй. Хайран цаг, хайран мөнгө болно.

Ингэхэд энэ түгжрэл гээч таны, миний, эсвэл гудамжинд яваа хэдэн жолооч нарын халааснаас хэдэн төгрөгийг ямар үр дүнгүй зүгээр л урсгаж байгаа бол. Бодож үзмээр санагдчихлаа. Өнгөрсөн оны байдлаар нийслэлд хөдөлгөөнд ордог автомашинуудын 70 гаруй хувь нь байнгын түгжрэлд ордог гэх судалгааг Замын цагдаагийн газраас гаргажээ. Тухайн үед буюу 2010 оны хоёрдугаар сард Улаанбаатар хотод 90 мянган автомашин албан ёсоор бүртгэлтэй байсан байна.

Харин саяхан Замын цагдаагийн газрын дэд дарга Ч.Жаргалсайхан хэвлэлд өгсөн ярилцлагадаа "Авто тээврийн газраас ирүүлсэн албан ёсны мэдээллээр нийслэлд нийт 350 мянган автомашин одоогийн байдлаар явж байна" гэжээ.

Тээврийн хэрэгслийн тоо жил гаруйнхны дотор бараг гурав дахин нэмэгдсэн байна. Харин шинээр баригдсан автозамын тухайд 2010-2011 онд ердөө 11.8 километр замыг шинээр барьж, 14 километр замыг өргөтгөж, шинэчилжээ.

Автозамын сүлжээ нэг үеэ бодвол сайжирч байгаа ч түгжрэлийн асуудлыг бүрэн шийдэх хэмжээнд хүртлээ өдий байна даа. Улаанбаатар түгжрээнээсээ салах хүртэл түгжрэл байсаар л, жолооч нар бухимдсаар, бензин, шатахуунаараа хохирсоор л байх бололтой юм.

Тэгэхээр 2010 оны судалгаанд үндэслээд одоо нийслэлд явж байгаа 350 мянган автомашины 70 хувь нь тогтмол түгжирдэг гэж бодъё. Энэ тооцооллоор бодвол ойролцоогоор 245 мянган тээврийн хэрэгсэл өдөр бүр түгжрээнд зогсдог болж таарч байна. Тэд тус бүртээ өдөрт дор хаяж 48.6 минут түгжирдэг нь судалгаагаар тогтоогджээ. Үүнийг жилээр тооцож үзвэл нийт 297.7 цаг буюу 10.4 хоног болж байна.

Түгжрээтэй үед автомашины хурд ойролцоогоор 20 км/цаг буюу маш удаан, тогтмол хүнд араагаар зорчино гэсэн үг. Энэ тохиолдолд автомашины бензин зарцуулалт жирийн үеийнхээс хавьгүй их байдаг жамтай. Замын цагдаагийн газраас гаргасан судалгаагаар түгжрээнд ордог автомашинууд 100 километрт дунджаар 13.45 литр шатахуун хэрэглэдэг гэж байна. Харин жирийн үед дээрх төрлийн машинууд 100 километрт 9-10 литр л шатахуун зарцуулдаг гэнэ. Тэгэхээр аль нэг автомашин 100 километрт түгжирч явлаа гэхэд жирийн үеийнхтэйгээ харыгуулахад 3.4 литр бензинийг зүгээр л хаяж байна гэсэн үг. Гэхдээ хараахан 100 километр замын турш түгжрэхгүй байх.

Нэг машин нэг цагийн турш түгжрэхэд нэг литр бензин алддаг гэх судалгаа байх юм. АИ92 автобензинээр тооцоход литрийнх нь үнэ одоогоор 1590 төгрөг байгаа. Үүнийг нийт түгжрэлд ордог жолооч тус бүрт үржүүлээд үзье, 389 сая 550 мянган төгрөг болж байна. Өдөрт алдагдаж байгаа зүгээр л урсгал зардал гээд бод доо. Энэ бол 2010 оны төвшинд гарсан судалгааг өнөөгийн нөхцөл байдалтай харьцуулсан харьцуулалт гэдгийг сануулъя.

Харин 2010 онтой харьцуулахад автомашины тоо л гэхэд гурав дахин нэмэгдсэнийг дээр дурьдсан. Жолооч нарын түгжрэлд зарцуулах цагийн хэмжээ ч эрс нэмэгдсэн байж таарна. Наад захын жишээ аваад үзэхэд л Улаанбаатарын аль ч зам дээр өдөр бүрийн 19-22 цагийн хооронд битүү түгжрэл үүсч байна шүү дээ.

"Гурван километр замд явах гэж нэг цаг боллоо" хэмээн Аксент автомашины жолооч н.Баяраа хэллээ. Тэгэхээр гурваас дээш, магадгүй хотын аль нэг зах руу явна гэвэл хоёр цаг болох нь энүүхэнд байх нь ээ. "100 айлаас Таван шар орох гэж хоёр цаг явлаа" гэж халаглах хүмүүс олон байна. Энэ бүхэнд хэчнээн их хэмжээний шатахуун, түлш, мөнгө урсч байгаа бол гэхээс. Бас нэг зүйлийг сануулахад, нийслэлд явж байгаа 350 мянган автомашины багагүй хувь нь төрийн байгууллагуудын унаа байж таарна. Тэдний автомашины түлш, бензинийг татвар төлөгчдийн мөнгөөр хангадаг шүү дээ. Энэ тохиолдолд татвар төлөгчдийн мөнгө ч бас ердөө хотын түгжрээнээс болж өдөр бүр сая саяараа урсч байна гэсэн үг.

Ингэхэд төр засаг автозамаа шинэчлээд, сайжруулаад түгжрэлээсээ салахгүйгээр өдөр бүр иргэдийнхээ халааснаас хэдэн саяар нь хэдий болтол урсгах вэ. Түгжрэлийн улмаас жолооч нар шатахуун, түлшээрээ хохирч үнэндээ шууд гарч буй анхан шатны л алдагдал. Үүнээс гадна шууд бус эдийн засгийн хохирол ч байна. Наад зах нь ажлаасаа хоцрох, торгуулах, бизнес, ажил хэргийн чухал уулзалт хойшлох, бүр цаашилбал, хэт их дуу чимээ, дуут дохионоос болж эрүүл мэндээрээ хохирохыг ч үгүйсгэхгүй. Энэ тохиолдолд эмчилгээний зардал гэж бас нэг зүйл гарч ирнэ. Энэ мэтээр замын түгжрэл гээч нь манай улсын эдийн засаг, нийгмийн хөгжилд шууд болон шууд бусаар асар их хохирол учруулж байгааг төр засаг маань анзаарч байгаа болов уу.

Л.Энхдэлгэр

Эх сурвалж: www.mminfo.mn

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2011-12-09 182.160.10.230

замын түгжрэл ихэвчлэн зохиомол хүний ухамсараас л үүсдэг үүнд бусад зорчигч т х үл ойшоодог зам чөлөөлөхгүй шууд хөдөлгөөн явагдаж байгаа зам дээрээ зогсож буугаад хүнтэй юм яриад зогсох явах машинаа зам чөлөөлөхгүй бусдад саад болж тавиад бүр явах хүүхнүүд бүр утасаар яриад бага хурдаар явах эргэлт хийж чадахгүй зогсож ямарч түгжрэлгүй замыг түгжрүүлдэг сөрөг хөдөлгөөнд эсрэг урсгалд орох уулзварын улаан гэрэл ассан байхад урд машинаа уулзвар гарч чадаагүй байхад араас нь түрэн орж хөдөлгөөнд зөвшөөрөгдсөн тх -ийн хөдөлгөөнийг хааж уулзвард жинхэнэ хиймэл түгжрэл зохиодог за тэгээд ямарч хөдөлгөөнд бусдыгаа үл ойшоогч мэлгэр царайлсан өөрөөс нь бусдад ч өөрт нь ч түгжрэхэд үл мэдэрдэг сонин гарууд л шууд эсрэг урсгал жинхэнэ урсгалаа гацаагаад зогсчихно доо

Avatar

Зочин 2011-12-09 124.158.93.13

50 terbum tugrug bolj bna l ee

Avatar

bold 2011-12-09 203.212.28.10

zamiin tugjrel heden klokuudad ashigtai baihdaaHumuusee tur zasag yum hiihgui heden jildeetiimes uursduu soeltoi zamiin hudulguun oroltsoj baiybie biendee zam tawij uguh ch yumuu bainga chi tuw zamaar yawahgui shdee chamd ch bas tuslahaas orj ireh ue garch l taaraa shdzugtseer baigaad bagahan osol tegeed bas neg tugjee uusch baigaa n ter deebodoh l heregtei baih

Avatar

Зочин 2011-12-09 202.180.216.227

Өдөрт 1 жолооч 1 литр бензин түгжрэлд илүү зарцуулдаг гэвэл 350 мянган литр буюу 277 тонн бензин болох нь 365 хоногоор үржүүлбэл 1011 мянган тонн шатахуун үр ашиггүй зарцуулагдах нь Гэтэл Монгол Улс жилдээ 400 мянга орчим тонн бензин дизельтэйгээ хамт 800 мянган тоннимпортлодог шүү дээ Тэгэхлээр 10 хүрэхгүй км газар машин унаад байгаа нөхөд өөрсдөө хэр эх оронч улсууд байна бэ Бид юм л бол төр засаг гэж орилохын оронд өөрсөддөө дүгнэлт хийж байхсан Улаанбаатар хот дотор нийтийн тээврээрээ зорчихыг уриалж байна

Avatar

Зочин 2011-12-09 202.170.67.25

хотыг урд хойд гэж хоёр хувааж байгаа төмөр зам хамгийн асуудал оросуудад илүү төлж байгаа бидний мөнгө түгжрэл оросуудад ашиг оруулдаг улаанбаатарчуудын цаг мөнгө үрж байна төмөр замыг хотоос гаргах эсвэл дээгүүр доогуур гарц хиймээр байх юм

Avatar

Зочин 2011-12-09 202.55.191.57

Энэ машинууд түгжрэл биш харин машин барьж байгаа та бид хэд түгжрэл

Би бол хувьдаа микро автобуснаас илүү троллейбусаар үйлчлүүлэх дуртай Ер нь бол троллейбусаар явахад 1т мөнгө хэмнэнэ 200хан төгрөг 2рт элдэв дуу чимээ бага бас дажгүй дулаахан 3рт харьцангүй автобуснаас цэвэрхэн 4т Би троллейбусанд их суух хэмжээгээр тэд нар улам их троллейбусыг монголдоо үйлдвэрлэнэ 5т замын түгжрэлээс нэг машин багасна 6д Хэрэв троллейбус ихэсээд автобус багасвал агаарын бохирдол багасна Тийм болохоор хүмүүсээ троллейбусны чиглэлд ийшээ тийшээ явах гэж байгаа бол тэрүүгээр үйлчлүүлж байгаарай Би ч гэсэн болж өгвөл зундаа ч гэсэн машинаа бага ашиглаж ТБ-раа үйлчлүүлэхийг хүсдэг Хүндэтгэсэн О

Avatar

niitlelch 2011-12-09 202.131.227.114

sedev ni unen zuv baisanch dotoroo utga avtsaldaa muutai bn taaruuhan setguulch bololtoi yamarch sudalgaagui bichsen 90000 -s hamaagui iluu 230000 orchim baisan2010 ond harin odoo 350000 orchim bgaa baih 2-rt ene jiliin huvid 11km zam shineer tavisan 14km zamiig urgutgusun zamiin ajil hiigdehgui baina gesnee daraagiin uguulbertei hotiin zamiin suljee saijraj bgaa gechijee

Avatar

Зочин 2011-12-09 202.170.69.227

89 сая 550 мянган төгрөг 104 хоног алддаг юм биздээ Бүхэл бүтэн 10 хоногт 350 мянган хүн юу хийж амжуулж чадах вэ

Avatar

Зочин 2011-12-09 202.170.80.45

1Замын цагдаа нараа мэрэгшүүл
2Жолооны курсудэд сэтгэл судлалын хичээл заавал оруул
3Замын түгжрэл уг нь 4 хөн төв зам дээр байгааИймээс улсын байгууллагуудыг бүгдийг хотоос гадагш гарга

Avatar

zochin 2011-12-09 124.158.107.56

unen hetsuu yumaa tor zasag neg yum bodmoor yumdaa hetsuudej bna

Avatar

Зочин 2011-12-09 202.179.20.192

USA гаас ирсэн цоо шинээрээ байгаа задлаагуй 3G 32ГБ багтаамжтай IPAD 1 уудийг хямд зарлаа une 850 000 tug utas 95950999

Avatar

zochin 2011-12-09 202.131.247.235

avtomashin hugjsun uls bolgond bdagTernii hort utaa bol adil gej bodoj bnaHarin ene iluu mungunii zarstuulalt bol MONGOLchuud bid nar tenegeesee bolood niileed tulj bgaa munguHeseg ni oros ruuHeseg ni hesegheen humuusiin karmaa ruu

Avatar

ryu 2011-12-09 203.91.112.12

zamiin tugjrel hend ashigtai be

Avatar

Зочин 2011-12-09 202.170.82.190

Тэгээд бас хорт утааг хэдэн зуун яндангаар цацаж хотын иргэдээ дайлж байгаа

NewsMN Гар утасны хувилбар Татах
NEWS.mn

Мэдээллийн эх сурвалж