NBA-ын “ЛА Лейкерс” багийн эзэн Жерри Басс Лос-Анжелес хотын эмнэлэгт хэвтэн эмчлүүлж буй тухай тус багийн хэвлэлийн төлөөлөгч мэдэгдсэн байна. Хэвлэлийн төлөөлөгч Жон Блэкийн хэлснээр ноён Бассын зүүн хөлөнд цусны бүлэгнэл үүссэн тул шаардлагатай эмчилгээ хийлгэж байгаа ба хоёр, гурав хоногоос эмнэлгээс гарна гэжээ. Баас ирэх сард 78 нас хүрэх юм.

Сануулахад, “ЛА Лейкерс” улирлын өмнөх эхний тоглолтоо арванхоёрдугаар сарын 19-нд “Стэплс центр”-т “ЛА Клипперс” багтай хийнэ.