“Сүнс” хамтлаг “Greatest concert” тоглолтоороо 20 насны төрсөн өдрөө тэмдэглэх гэж байна. Тэд энэхүү тоглолтоороо рок, попын ертөнцөд эргэн ирж байгаагаа харуулах аж. 90-ээд оны залуусын шүтээн болсон энэ хамтлаг 20 насны төрсөн өдрөөрөө анхны бүрэлдэхүүнээрээ эргэн тайзнаа гарч ирэх гэнэ. “Сүнс” хамтлагийн хуучны хит дуунууд болох “Чи хуурамч”, “Сэтгэлд тодхон харц”, “Цагийн зүү”, “Чамд дурлахыг зөвшөөрөөч” зэрэг сэтгэлд хоногшсон олон дууг арванхоёрдугаар сарын 10-нд  буюу маргааш “UB Palace”-ын концертын их танхимд болох “Greatest concert”-оос сонсоорой.