Хуучирсан мэдээ: 2011.12.09-нд нийтлэгдсэн

“ХААН” банкны гүйцэтгэх за­хирал асан Петер Морроугийн орыг залгамжилсан Сайман Моррис үнэ­хээр том сэтгэдэг хүн ажээ. Түү­ний баримталсан гол зарчим нь жи­жиглэнгийн наймаанаас татгалзаж “том” харилцагчдаар хүрээгээ тэлэх байсан юм. “ХААН” банкны салбар бүрт “VIP” хэрэглэгчдэд үйлч­лэх хэлтэс нээж, жижиглэнгийн үйл­чилгээ авагчдыг зах зээлээс шахаж эхэлсэн нь саяхан. Монгол бол жижиг улс. Гэтэл тэр хэтэрхий “том” дуугарснаас болж “ХААН” банкийг хэл амны бай болгосон. Тус банкны ТУЗ-ийнхний сонгосон Сайман Моррис “ХААН” банкны гйүцэтгэх захирлаар ирэхээсээ өмнө  Английн “Стандарт Чартеред” банк­ны Шри Ланк дахь салбарын гүй­цэтгэх захирлаар ажил­лаж бай­сан аж. Түүнийг  Ази, Европ, Аф­рикийн банкуудад 25 жил удирдах албан тушаал хашсан, Олон улсын менежмент, банкны сал­барт ихээхэн туршлагатай учраас ийн­хүү сонгосон гэдгийг тухайн үед “ХААН” банкнийхан хэлж байсан. Тиймээс ч гүйцэтгэх захирал асан Петер Морроугаас хэд дахин өндөр цалин олгож байсан гэнэ. Харамсалтай нь Сайман Моррис тэдний итгэлийг алдаж, зах зээлээ мэдэрч чадалгүй зүтгэсээр “ХААН” банкны нэр хүндийг Монголын банк, санхүүгийн салбарт унагасан гэх мэдээлэл сүүлийн үед хэвлэлийн хууд­суудыг чимэх боллоо. Түүгээр ч үл барам Сайман Моррисыг тунирх­сандаа болоод нутаг буцсан гэх. Тэр банк, санхүүгийн салбарт 25 жил удирдах албан тушаал хашихдаа нэг ч загнуулж үзээгүй юм болов уу. Аль эсвэл монголчуудтийм аймар ууртай юм болов уу. Ямартай ч тансаг зэрэглэлийг эрхэмлэгч ноён Сайман Моррист Монголын банк, санхүүгийн салбар ээлгүй байсан бололтой. 

Р.Сарангоо

"Улс төрийн тойм" сонин


NewsMN Гар утасны хувилбар Татах
NEWS.mn

Мэдээллийн эх сурвалж