Сирийн ерөнхийлөгч бөгөөд дээд ерөнхий командлагч Башар Ассад АВС телевизид ярилцлага өгөхдөө зэвсэгт хүчнийхээ үйл ажиллагаанд хүчтэй нөлөө үзүүлдэггүй гэсэн байв.

Цэргийнхэн түүний нутаг нэгтнүүдийг хөнөөж байгаад хариуцлагаа мэдэрч байна уу гэсэн асуултад Ассад хариулахдаа “Би бол зөвхөн ерөнхийлөгч. Би энэ орны эзэн биш. Тэр цэргийнхний эзэн нь ч бас биш” гэв. Сирийн хотуудад эсэргүүцлийг хүч хэрэглэн дарж байгаа анги нэгтгэлийн талаар тэр хэлэхдээ “Тэд минийх биш” хэмээн дахин давтан хэлжээ.