УИХ-ын чуулганы нэгдсэн хуралдаанаас завсарлага авсан МАН-ын бүлэг Төрийн ордны “А” танхимд, Ардчилсан намын бүлэг “Б” танхимд хуралдаж байна. Бүлгүүд хурлаараа Монгол Улсын Их хурлын сонгуулийн тухай хуулийн төслийг авч хэлэлцэж буй юм. Одоогоор хоёр намын бүлэг дээрх хуулийн төсөл дэх шилжилттэй холбоотой асуудал дээр байр суурь зөрүүтэй байгаа юм. Тиймээс УИХ-ын дарга Д.Дэмбэрэл өчигдөр хоёр намын бүлгийн даргад үүрэг өгч, зөвшилцлөө хурдасгахыг шаардсан бөгөөд энэ дагуу бүлгүүд ээлжит бус хуралдаан хийгээд байна.