Улсын клиникийн төв эмнэлэг дэргэдээ Эрхтэн шилжүүлэн суулгах төвтэй
болно. Энэ төвийг ирэх оны эхээр тохижуулан ашиглалтад оруулахаар
төлөвлөжээ. Манай улсад бөөр эрхтэн шилжүүлэн суулгах мэс засал 2006 онд
нэвтэрснээс хойш өдгөө 60 гаруй хүн ийм хагалгаа хийлгээд байна. Энэ
хагалгааг тус эмнэлгийн Бөөр шилжүүлэн суулгах үндэсний багийнхан хийж
эхэлснээр уг мэс засал жирийн эмчилгээний нэг боллоо. Элэг шилжүүлэн
суулгах хагалгааг өнгөрсөн есдүгээр сард мөн тус эмнэлэгт хийжээ.