Болгарын Бургас хотноо хоёрдугаар сарын 27-28-ны өдрүүдэд болсон Дан Коловын нэрэмжит 48 дахь удаагийн Олон улсын гранпри тэмцээний эхний өдрийн барилдаанд гавьяат тамирчин Ц.Энхжаргал /51 кг/ аваргын алтан медаль хүртсэн бол эрэгтэйчүүдийн эрэгтэйчүүдийн 60 кг-ын жинд хүч үзсэн ОУХМ Э.Ням-Очир мөнгөн медалийн эзэн болсон билээ. Тэгвэл хоёр дахь өдрийн тэмцээнээс чөлөөт бөхийн ДАШТ-ий мөнгөн медальт, гавьяат тамирчин О.Бурмаа мөнгөн медаль хүртсэнээр Монголын чөлөөт бөхийн шигшээ багийн тамирчид нэг алт, хоёр мөнгөн медалийн эзэд болж, “Дан Колов”-ын дэвжээнд амжилттай оролцлоо.

Монголын чөлөөт бөхийн холбооны тамирчид ОХУ-ын Красноярск хотноо өнгөрсөн нэгдүгээр сарын 29-31-нд болсон алдарт бөх Иван Ярыгины нэрэмжит гранпри тэмцээнээс хилийн чанад дахь “тулаан”-ыхаа гарааг эхэлж, энэ тэмцээнээс Б.Одончимэг /67 кг/ мөнгө, Н.Алтантуяа /55 кг/, Б.Оюунсүрэн /67 кг/, Г.Наранчимэг /72 кг/ нар хүрэл медаль хүртсэн бол хоёрдугаар сарын 12-14-ний єдрvvдэд Туркийн Стамбул хотод болсон Яшар Догугийн нэрэмжит 38 дахь удаагийн тэмцээнээс Монгол Улсын гавьяат тамирчин Б.Наранбаатар /эр-55 кг/, Ц.Энхжаргал /эм-51 кг/, О.Бурмаа /эм-72 кг/ нар мєнгєн медаль хvртэж, Г.Мандахнаран /эр-60 кг/ хvрэл медалийн эзэн болсон юм. Олон улсын бөхийн төрлүүдийн нэгдсэн холбоо /FILA/-ны А зэрэглэлийн Гранпри тэмцээнд амжилттай оролцоод байгаа Монголын чөлөөт бөхийн шигшээ багийн тамирчид маргааш эх орондоо ирэх юм байна.

Б.Баясах