УИХ-ын Эдийн засгийн байнгын хороо хуралдаж, Монгол Улсын Эрдэнэсийн гүйлгээний сангийн 2011 оны орлого, зарлагын тухай УИХ-ын тогтоолын төслийн анхны хэлэлцүүлгийг хийлээ. Эл асуудал нь нууцын зэрэглэлд хамаардаг тул тус байнгын хороо хаалттай хуралдсан юм. Дараа нь Эрчим хүчний тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. Эл төсөлтэй холбогдуулан гишүүдийн дунд асуулт байсангүй, улмаар төслийг чуулганд оруулахаар болж тогтлоо.