Монголын урлагт нэр хүндтэй байр суурь эзэлдэг гэр бүлүүдийн нэг бол найруулагч О.Машбат, Гавьяат жүжигчин Н.Батцэцэг нар билээ. Тэднийх М.Бишрэл М.Ивээл гэдэг хоёр хүүтэй. Одоогоос хэдэн жилийн өмнө орос сургуульд сурдаг хөвгүүдээ аваад алсын Америкийг зорьсон энэ гэр бүл өнгөрсөн хугацаанд өөрсдийн залгамж халааг тун чамбай бэлтгэсэн бололтой. Удахгүй киноны найруулагчийн мэргэжил эзэмшин төгсөх хөвгүүд нь саяхан "Mashbat Brothers Film" байгуулжээ. Тэд анхны уран бүтээлээ америк залуустай хамтран хийж байгаа бөгөөд энэхүү видео бичлэгээ facebook хуудсандаа тавьжээ. Аав, ээжийнхээ "шийрийг хатаах" удам залгамжилсан уран бүтээлч залууст амжилт хүсье.