Монгол инженерүүд автобус үйлдвэрлэжээ. “Цахилгаан тээвэр” компани троллейбус, цахилгаан болон дизель хөдөлгүүртэй дуобус үйлдвэрлэн зах зээлд нийлүүлж буй. Харин “Эрдү” компани “JEA-800М” загварын  автобус угсарчээ. Тэдний угсарсан автобус шинэ жилийн баяраас өмнө үйлчилгээнд гарах аж.  Автобусны эд ангийг ОХУ, Япон, БНСУ, Хятадаас авчирсан байна. Машин угсарч буй инженер техникийн ажилтнуудаа ч дээрх орнуудад сургасан байна. Монгол автобус түлш бага зарцуулна. Хорт утаа бага ялгаруулдаг, хурд сааруулах цахилгаан механизмтайгаараа давуу талтай аж.