2010 оны хаврын тариалалтад зориулж улсын нөөцөөс 3110 тонн улаанбуудайн үрийг тариалан эрхэлдэг аж ахуйн нэгж, байгууллага, иргэдэд худалдаж, борлуулалтын орлогоор нь үр худалдан авч 2010 оны арванхоёрдугаар сарын 1-ний дотор улсын нөөцийг нөхөж бүрдүүлэхийг Монгол Улсын Шадар сайд М.Энхболдод Засгийн газрын өнөөдрийн хуралдаанаар зөвшөөрөв.
Нөөцөөс гаргах улаанбуудайн үрийн тонн тутмыг нь 560.0 мянган төгрөгөөр худалдахаар тогтлоо. 2009 оны намрын ургац хураалтаар улсын нөөцөд хүлээн авсан улаанбуудайн үр нь Мэргэжлийн хяналтын ерөнхий газраас гаргасан дүгнэлтээр тариалах үрийн чанар, стандарт шаардлагыг бүрэн хангаж байна.
Засгийн газраас хэрэгжүүлж байгаа “Атрын III аян” хөтөлбөрийн хүрээнд энэ хавар 270 мянган га уриншид тариалалт хийх төлөвлөгөөтэй байгаа бөгөөд үүнд 43,2 мянган тонн улаанбуудайн үр шаардлагатай байгаа юм.