МАН-ын дэргэдэх нийслэлийн Нийгмийн ардчилал-Монголын эмэгтэйчүүдийн холбооноос  “152:1”   сургалт зохион байгуулжээ. МАН-ын анхан шатны 152 үүрт харьяалалтай тус холбооны гишүүн  эмэгтэйчүүдийн ажлын бүтээмжийг  дээшлүүлэх, санхүүгийн эх үүсвэртэй болгох зорилгоор “Төсөл хэрхэн бичих вэ”  сэдвээр сургалт явуулсан байна.

Эмэгтэйчүүдийн бичсэн төслүүдээс хамгийн шилдгийг шалгаруулж  холбооноос  санхүүжүүлэхээр болжээ. Төслийн доод  хэмжээ  нэг сая төгрөг байх аж. Сургалтанд хамрагдсан эмэгтэйчүүд салбар үүрүүд дээрээ сургалтаа үргэлжлүүлэх бөгөөд заавал МАН-ын гишүүд бус хүүхдээ асарч гэртээ сууж байгаа, мөн ажилгүй эмэгтэйчүүд, хувиараа бизнес эрхлэгч хэн бүхэнд нээлттэй байх ажээ.