Английн хунтайж Уильямын эхнэр Кейт Миддлтон Лондоны Олимпийн албан ёсны элч болжээ. Тэрбээр Хатан хааны гэр бүлээс энэ хүндтэй үүрэг хүлээсэн эхний хүн болж байна. Харин угсаа залгамжлах хунтайж Уильям, хунтайж Харри нар 2012 оны Олимпийн үеэр Их Британийн үндэсний шигшээ баг болон паралимпийг төлөөлөх элч болжээ. 2012 оны Олимпийн элч болсон хатан хааны гэр бүлийн гишүүд ийм хүндтэй үүрэг хүлээсэндээ сэтгэл өндөр байгаа бөгөөд “Хатан хааны гэр бүл олимпийн хөдөлгөөнийг үргэлж дэмжсээр ирсэн. Бид ирэх жилийн олимпийн наадмыг тэсэн ядан хүлээж байгаа” гэжээ. Их Британийн олимпийн холбоо Кейт Мидллтон, хунтайж Уильям, Харри нарын хамт 27 элч томилсон байна.