Сонгинохайрхан дүүргийн 26-р хорооны Нарангийн энгэрийн  төвлөрсөн  хогийн цэгт БНСУ-ын  хөрөнгө оруулалтаар Хог боловсруулах үйлдвэр баригдсан билээ. Тус үйлдвэрийн туршилт өнөөдөр 15.00 цагт болох аж.

БНСУ-ын буцалтгүй тусламж болох  3.5 сая ам.долларын хөрөнгөөр баригдсан  хог боловсруулах  үйлдвэр нь нийслэлээс төвлөрч буй хогийн 80 гаруй хувийг дахин боловсруулах  боломжтой юм.  Өдөрт найман тонн хог дахин боловсруулах хүчин чадалтай тус үйлдвэрт эхний ээлжинд айл өрх, аж ахуй нэгжээс төвлөрсөн хогийг дахин боловсруулж, утаагүй түлш үйлдвэрлэхээр төлөвлөж байгаа аж. Энэхүү үйлдвэр нь цаас, төмөр, хуванцар сав, лааз болон бусад хаягдлыг төрөлжүүлэн ялгах технологитой, 6.5 см нүхээр сорж, соронздон ангилах чадвартай юм.