“Twilight”-ын гуравдугаар анги болох "The Twilight Saga"-гийн шинэ трейлэр саяхан цацагдсан билээ. Энэхүү трейлэрт Edward дурлалт бүсгүй Bella-даа гэрлэх санал тавин, бөгж өгдөг хэсэг гардаг. Зуйван хэлбэртэй, алмаазаар чимэглэсэн тэрхүү бөгжийг уг киноны зохиолч Stephenie Meyer гоёл чимэглэлийн “Infinite Jewelry” компанитай хамтран  загварыг нь гаргасан бөгөөд өнөөдрөөс худалдаанд гаргалаа.
Бөгж гурван янзын үнэтэйгээр худалдаанд гарч байгаа ба "fashion" загварынх нь $35, "fine" загварынх нь $479, харин "genuine" загварынх нь жинхэнэ алмаазаар чимэглэгдсэн бөгөөд үнэ нь ч харьцангуй өндөр буюу $1979 байх гэнэ.

“Infinite Jewelry” компани өөрийн албан ёсны вэб сайтаар энэхүү бөгжийг худалдаж байгаа ба гагцхүү бөгж ч биш “Twilight”-ын нэр бүхий хүзүүний зүүлт, бугуйн цаг бас байгаа аж.

Н.Наран