Баянзүрх, Сонгинохайрхан, Чингэлтэй, Хан-Уул дүүргийн зарим хороодод өчигдөр хэсэгчлэн цахилгаан тасалжээ. Учир нь “Төвийн бүсийн цахилгаан дамжуулах сүлжээ” компанийн 110 квт хүчдэлийн шугамд хамгаалалтын хэлхээ холбохоор цахилгааныг  2-3 цаг хязгаарласан байна.

Энэ үеэр Баянзүрх дүүргийн I,  IV хорооны байрууд, Чингэлтэй дүүргийн Дэнжийн мянга болон Баянзүрхийн Дарь-Эх орчмын гэр хороолол, Хан-Уул дүүргийн Яармаг дахь ХААН банкны салбар болон Сонгинохайрханы XVI, XVI I хороо,  “Ирээдүй” цогцолбор,  80 дугаар сургуулийн цахилгаан  тасарсан байна.