Казахстаны Хууль зүйн орлогч сайд Дулат Куставлетов ерөнхий­лөгч Нурсултан Назарбаевт “Ардын баатар” цол олгох талаар Үндсэн хууль болон бусад хуулиудад оруулах өөрчлөлтийн талаарх  хуулийн төслүүдийг сенаторуудад өргөн барив.

“Казахстан улсын анхны ерөнхийлөгч ба үндэсний лидерийн тухай хууль”, “Төрийн  шагналын тухай хууль” зэрэгт өөрчлөлтүүдийг оруулж байна.  Өөрчлөлтийн дагуу ерөнхийлөгч Нурсултан Назарбаев нь “Халык кахарманы” буюу “Ардын баатар” цол авах статустай болно. Түүнд Алтан од ба “Отан” одонг гардуулах ажээ. Ардын баатар цол олгох санаачлагыг Хууль зүйн сайд Рашид Тусупбеков мягмар гаригийн Засгийн газрын хуралдаан дээр гарган дэмжлэг авчээ.