Америк болон Английн инженерүүд хамтран эрчүүдийн ариун цэврийн өрөөнд видео тоглоом тоглуулагч суурилуулах шийдэл олжээ. Энэ нь ариун цэврийн өрөөнд нэгэн хэвийн уйтгартай байдлаар хана ширтэн өнгөрүүлэх бус сонирхолтой тоглоом тоглох боломжтой аж. Хананд байрлуулсан уг тоглоом тоглуулагч нь  12 инчийн LCD дэлгэц байх бөгөөд  хатуу шилэн бүтэцтэй тул арчиж цэвэрлэхэд амар, цэвэр байх стандартыг хангажээ. Хэрэглэгчдийн зүгээс мэдээлэл технологийн үсрэнгүй хөгжилтэй энэ эрин үед электрон тооцоолуур бүхий системт тоглоом 00-н өрөөнд  буй нь сонирхолтой ч бас хачирхалтай хардлагыг төрүүлж байгаа гэнэ.  Өөрөөр хэлбэл уг тоглоом тоглуулагчид дүрс бичих үйлдэл бий эсэхийг нягтлах хэрэгтэй гэжээ. Зохион бүтээсэн инженерүүдийн зүгээс  системд  ямар нэгэн видео бичих үйлдэл, систем огт байхгүй хэмээн баталж байгаа аж.