Пакистаны эрх баригчид Их Британийн  BBC телевизийн хөтөлбөрийг дамжуулахыг хоригложээ. Ийм шийдвэр гаргах гол үндэслэл  нь BBC “Пакистаны тусгай алба болон цэргийнхэн афганы талибуудад террорист ажиллагааг дэмжиж шууд туслалцаа үзүүлдэг” гэсэн утга бүхий нэвтрүүлэг цацсантай холбоотой юм байна. Тус нэвтрүүлгээр пакистанчууд талибуудад зэвсэг нийлүүлж, санхүүгийн тусламж болон бусад дэмжлэг үзүүлдэг тухай гаргажээ.

Пакистаны кабелийн телевизийн холбооны мэдээлснээр тус улсад Би Би Си сувгийг хориглосон явдал нь “BBC -гийн ихэнх нэвтрүүлэг манай улсын эсрэг үзэл сурталтай байна” хэмээн үзсэнтэй холбоотой гэнэ.