Нийслэлийн алслагдсан Багануур дүүргийн үндэсний бөхийн холбоо, “Нүүрэнтэйн хүчтэн” дэвжээнээс хамтран сумын заануудын чуулган барилдааныг сар бүр зохион байгуулдаг билээ. Сар бүрийн эхний бямба гаригт болдог тус барилдаан өнгөрсөн сарын 5-нд болсон бол энэ сарын ирэх бямба гаригт буюу арванхоёрдугаар сарын 3-нд болох ажээ.

Өнгөрсөн сарын барилдааны тэргүүн байрт Төв аймгийн Батсүмбэр сумын харьяат, “Дүнжингарав” дэвжээний бөх, сумын заан Г.Ганжад шалгарсан бол хоёрдугаар байрт Говь-Алтай аймгийн Халиун сумын харьяат, “Хилчин” спорт хорооны бөх, сумын заан н.Энхсайхан, гуравдугаар байрт Увс аймгийн Тэс сумын харьяат, “Алдартан” дэвжээний бөх, сумын заан н.Бямбажав нар шалгарчээ.