Үндэсний хөгжмийн “Домог” хамтлагийн анхны бие даасан тоглолт өчигдөр ҮДБЭЧ-ын тайзнаа амжилттай болсон. Харин өнөөдөр хаалтын тоглолт нь болох юм.  “Домог” хамтлаг нь энэ жил таван нас хүрч байгаа бөгөөд 2007 онд “Домог”, “Миний зүрхний аялгуу”, 2009 онд “Биширтүгэй, Айтугай” гэх гурван цомог гаргажээ.

Тэдний тоглолт хоёр хэсэгтэй бөгөөд эхний хэсэгт язгуур үндэсний урлагийн тоглолт, хоёрдугаар хэсэгт сонгодог болон орчин үеийн хөгжимтэй хосолсон бүтээлүүд эгшиглэх аж. Тоглолтод  “Хурд” хамтлаг, хөгжмийн зохиолч, төгөлдөр хуурч Б.Чинбат, “Улаанбаатар” чуулгын бүжигчид, Улсын филармонийн симфони найрал хөгжимчид оролцох юм.