Иргэний агаарын тээврийн Изинис Эйрвэйз компани үүсгэн байгуулагдан, анхны хуваарьт нислэгээ үйлдэж байсан 2006 оны 12 дугаар сарын 06-ны өдрөөс хойш хэдийнээ 5 жил өнгөрчээ. Тус компани нь удахгүй тохиох гэж буй 5 жилийн ойгоо угтан үйлчлүүлэгчиддээ бэлэг барьж бүх нислэгийн чиглэлийн тийзний үнээ 120,600 төгрөг болгоод байна.

Энэхүү онцгой урамшуулал нь 2011 оны 12-р сарын 01-нээс 06-ыг дуусталх хугацаанд үргэлжлэх юм. Хямдралтай суудлын тоо хязгаартай тул та энэ өдрүүдэд амжиж тийзээ аваарай.

Эрхэм зорчигч Та нислэгийн тийзээ Изинис Эйрвэйзийн  тийз борлуулалтын төв, орон нутгийн салбарууд, Air Trans, Air Market, AirLink, Mon Air tour, Air Ticket, Air Chamber, Air Travel, Aviacom Mongolia, Air Express, Air Network, Тэди Төв  зэрэг гэрээт борлуулагч агентуудын билетийн кассууд, мөн









www.eznisairways.com сайтаас хямдралтай е-тийзийг тус тус худалдан авах боломжтой.

Изинис Эйрвэйз компани нь үүсгэн байгуулагдсан цагаасаа хойш зорчигч үйлчлүүлэгчиддээ аюулгүй, найдвартай агаарын тээврийн үйлчилгээг тасралтгүй хүргэж тэдний итгэлийг хүлээсэн салбартай тэргүүлэгч компани болж чаджээ. Өнгөрсөн 5 жилийн хугацаанд тус компани нь нийт 15,450 удаагийн нислэг үйлдэж, 343,122 зорчигчийг зорьсон газарт нь тээвэрлээд байна.  Орон нутгийн 14, олон улсын 2 чиглэлд 34 хүний суудалтай 4 ширхэг Сааб 340Б, 93 хүний суудалтай 2 ширхэг Авро Ар-Жэй 85 агаарын хөлгүүдээр тус тус үйлчилж байна.

Цаашид Изинис Эйрвэйз компани нь харилцагч үйлчлүүлэгчид, ажилтнууд, хувь нийлүүлэгчиддээ зориулан Төв болон Зүүн Хойт Азийн бүсийн агаарын тээврийн томоохон оролцогч болох зорилго тавин ажиллаж байна.

Өнгөрсөн хугацанаад Изинис Эйрвэйз компанийг сонгон үйлчлүүлсэн эрхэм зорчигч, үйлчлүүлэгчиддээ баярлалаа.

Хямдралтай тийзний нөхцөл болон бусад дэлгэрэнгүй мэдээллийг манай тийз захиалах 976-11-333311 утсаар холбогдож лавлана уу.

Изинис Эйрвэйзийн тухай

Изинис Эйрвэйз компани нь орон нутгийн чиглэлд хамгийн олон зорчигчдод үйлчилдэг Монголын иргэний агаарын тээврийн тэргүүлэгч компани юм. Тус компанийг 2006 онд Монголын үндэсний хөрөнгө оруулалтын тэргүүлэгч компаниудын нэг болох Ньюком Групп үүсгэн байгуулжээ. Одоо Изинис Эйрвэйз нь орон нутгийн 14 чиглэлд хуваарьт болон захиалгат нислэг, олон улсад БНХАУ-ын Хайлаар хот болон ОХУ-ын Улаан-Үд хотын чиглэлд хуваарьт нислэг үйлдэж байна.

Изинис Эйрвэйз компанийн зорилго нь манай улсын иргэний агаарын тээврийн тэргүүлэгч компани болж, улмаар Төв болон Зүүн хойд Азийн бүсийн агаарын тээврийн томоохон оролцогч болоход оршино. Ингэхдээ Изинис Эйрвэйз компани нь өөрийн аюулгүй, найдвартай, найрсаг үйлчилгээ үзүүлэх үндсэн зарчмаа чанд баримталсаар байх болно.