Маш сонирхолтой, ховор бичлэгийг Youtube сайтад байрлуулжээ. Энэ нь саяхан Төрийн шагнал хүртсэн дуучин Д.Болдын наймдугаар ангийн тоглолтын бичлэг аж. Хөгжим бүжгийн коллежийн наймдугаар ангийн сурагч Д.Болд коллежд орох шалгалтаа өгч байгаа бололтой. Мөн тус бичлэгт удахгүй бие даасан тоглолтоо хийх гэж буй хийлч О.Байгалийн бичлэг ч бас байна гэнэ. Энэхүү бичлэг нь Д.Болдын фэнүүдэд гэнэтийн бэлэг болоод байгаа аж. Энэхүү ховор, нандин бичлэгийг хийлч О.Байгалийн хувийн архиваас авчээ. Д.Болд энэ талаараа Facebook хуудсандаа  “Амласан ёсоороо маш ховор бичлэгийг хийлч О.Байгалийн хувийн архиваас авснаа та бүхэндээ өргөн барьж байна. Хөгжим бүжгийн наймдугаар ангийн сурагч Д.Болд, хоёрдугаар ангийн сурагч О.Байгаль хоёрын тоглолтын бичлэг. 1994 он. Д.Болд наймдугаар ангиа төгсөөд Коллежид орох гэж байсан үе” хэмээн тайлбарлан бичжээ.