Сүүлийн үед нислэг саатах, хойшлох, онгоцонд эвдрэл үүсэх зэргээр багагүй асуудалтай байгаа МИАТ-ийн нислэг өнөөдөр дахин саатав. Өнөөдөр өглөө 08.05 цагт хөөрөх байсан Улаанбаатар-Сөүлийн чиглэлийн онгоцонд техникийн дутагдал илэрсэн тул хуваарийн дагуу нислэг үйлдэж чадаагүй ажээ. Улмаар онгоцны техникийн дутагдлыг илрүүлж, шаардлагатай арга хэмжээ авсны дараагаар хуваарьт цагаасаа таван цагаар хоцорч, 13.00 цагт хөөрсөн байна.