Японы нийслэл Токиод баригдсан “Tokyo Sky Tree” телевизийн цамхаг
дэлхийн хамгийн өндөр цамхгаар тодорч Гиннесийн дээд амжилтад бичигдсэн
байна. “Tobu Tower Sky Tree Co” компанийн захирал Митиаки Сүзүки “Японы
соёл, технологийн хөгжлийг илтгэсэн уг цамхаг Гиннесийн дээд амжилтад
бүртгэгдсэнд их баяртай байна” хэмээн онцолжээ. 634 метр өндөр энэ
цамхгийн нээлт ирэх оны тавдугаар сард болох аж. Дашрамд сонирхуулахад,
дэлхийн хамгийн өндөр барилгаар Дубай хотод орших 828 метр өндөр
байгууламж тодорсон билээ.