Энэ оны арваннэгдүгээр сарын хүртэл Төв аймагт ой хээрийн түймэр 11, объектын түймэр 35, хүчтэй салхи шуурга долоо, аянга нэг, хүний гоц халдварт  өвчин болон халдварт өвчин нэг, мал, амьтны гоц халдварт өвчин долоо, гол нуурын усанд унаж осолдсон гурван гамшиг гарсан байна. Харин өнгөрсөн онд ой хээрийн түймэр 12, объектын түймэр 28, аянга зургаа, хүчтэй цасан болон шороон шуурга 16, малын гоц халдварт өвчин хоёр гарч байжээ. Тиймээс энэ жил харьцангуй объектийн түймэр дийлэнх хувийг эзэлжээ. Энэ нь тог, гэрэл цахилгаанаа хянаж, найдвартай утсаар холбох, мөн пийшэн зуухныхаа бүрэн бүтэн байдлыг хангахыг анхааруулж байгаа ажээ.