Монго­лын урлагт Ховд нутгаас нэгэн жарны тэртээд тодорч "Тунга­лаг Буянт"-аараа хүч түрэн орж ирсэн дуучин бол Баартуугийн Зангад юм. Эх орныхоо баруун хязгаар Буянт го­лын хө­вөөнөөс эх аван урссан эгшиглэнт горхи Монголын дууны урлагт дол­гилох их мөрөн болсныг монгол хүн бүр мэднэ. Энэ их дуучны уран бүтээлийн 60 жилийн тайлан болсон “Их урлагт 60 жил” цэнгүүнийг Ховд аймгийн нутгийн зөвлөл, нийслэлийн Соёл урлагийн газар зохин байгуулж цэнгүүнийг энэ сарын 30-ны орой Дуурь бүжгийн эрдмийн театрт хийхээр товложээ. Тоглолтод улсын Дуурь бүжгийн эрдмийн театрын симфони найрал хөгжим, улсын Филармонийн Морин хуурын чуулга, Үндэсний дуу бүжгийн эрдмийн чуулга, Хөгжим бүжгийн коллежийн уран бүтээлчид оролцох ажээ.

"Жаргаах зүрхэн", "Алтан намар", "Тунгалаг Буянт", "Хар ус нуурын шагшуурга", “Багш та” тэргүүтэй олон гайхамшигт дууны эзэн, Монголын сод дуучдын нэг Б.Зангад ийнхүү их урлагт 60 жилийг  үдсэн тайлангаа өргөн барих гэж байна.

                        
       Д.ОЮУН