Бельгийн Хол­боо­ны шинэ Засгийн газрын сайд нарын цалинг төсвийн хэмнэлтийн арга хэмжээний  хүрээнд таван хувиар бууруулахаар танхимыг бүрдүүлж байгаа эвслийнхэн тохиролцсон тухай орон нутгийн хэвлэлд нь бичсэн байна. Засгийн газрын аппаратын цалингийн хэмнэлтээр ирэх жилд гурван сая евро улсын сан хөмрөгт орно.

Үүний зэрэгцээ Хааны гэр бүл, Үндсэн хуулийн цэц, Холбооны парламент зэргийн татаасыг  бууруулснаар зургаан сая евро хэмнэхээр тэд тооцоолсон байна. Франц хэлтэй Валлонийн Социалист намын тэргүүн Элио ди Рупо ерөнхий сайд болох хамгийн их магадлалтай бөгөөд тэр долоо хоногийн дотор танхимыг байгуулна гэжээ.

Бельгийн ван Хоёрдугаар Алберт өнгөрсөн бямба гаригт засгийн газраа бүрдүүлэх үүргийг Рупод даалгасан байлаа. Франц, ба нидерланд хэлтэй улстөрчдийн хоорондын маргааны улмаас Бельги 530 хоног шинэ засгийн газаргүйгээр  амьдарч байгаа. Мөн энэ өдөр 17 цаг хуралдсаны эцэст Засгийн газрын эвсэл тус орны 2012 оны төсөвийн төслийн зөвшилцөөнийг хийв. Мөн дараагийн хоёр жилийнх нь төсвийн төлөвлөлтийг  ярилцжээ.