УИХ-ын чуулганы нэгдсэн хуралдаан эхэллээ. Тус хуралдаанаар Монгол Улсын 2012 оны нэгдсэн төсвийн тухай хууль, түүнтэй хамт өргөн мэдүүлсэн төслүүдийн гуравдугаар хэлэлцүүлгийг хийхээр болж баталлаа. Дээрх төслүүдийн гуравдугаар хэлэлцүүлгийг Төсвийн байнгын хорооны нэгдсэн хуралдаанаар хэлэлцсэн талаарх танилцуулгыг тус байнгын хорооны дарга Д.Хаянхярваа танилцуулж байна. Нэгдсэн төсвийг хэлэлцэх шатанд Засгийн газрын өргөн мэдүүлсэн төсвийн төслөөс алдагдлыг 1,2 пунктээр бууруулж чадсан тухай танилцуулгын үеэр онцоллоо.

Мөн энэ өдрийн хуралдаанаар Монгол Улсын Их хурлын Сонгуулийн тухай хуулийн төслийн эцсийн хэлэлцүүлгийг хийхээр болж шийдвэрлэсэн учраас өнөөдөр чуулганы нэгдсэн хуралдаан оройтох төлөвтэй боллоо.