Сүхбаатар дүүргийн  VIII хорооны нутаг дэвсгэр буюу МУБИС-ийн Замын цагдаагийн хяналтын постын авто зам дээр  өчигдөр орой  19.00 цагийн орчимд  том оврын автобусны  жолооч  явган зорчигчийг мөргөж гэмтээсэн хэрэг гарчээ.  “Шархад-III,IV  хороолол” чиглэлийн уг автобус нь зүүнээс баруун чиглэлд төв замаар явах маршруттай ч хөдөлгөөний ачаалал их байсан тул баруун гар руугаа эргэх үедээ  зам хөндлөн гарч явсан 20 орчим  насны охиныг мөргөж,  гэмтээсэн байна.  Охинд Яаралтай түргэн тусламжийн 103-ынхан  анхны тусламж үзүүлж,   Гэмтэл согогийн үндэсний төвд хүргэсэн байна.