Өвөрмонголын сонин мэдээний сүлжээний мэдээлснээр БНХАУ-ын Эрээн боомтоор 2011 оны эхний гурван улиралд 136 сая ам.долларын өртөг бүхий 4013 ширхэг автомашиныг Монгол Улсад  экспортолсон  байна. Энэ нь өнгөрсөн оны мөн үеийнхээс 216 хувиар нэмэгдсэн үзүүлэлт ажээ.

Автомашины экспортын хэмжээ ингэж нэмэгдсэн нь дөрвөн үндсэн шалтгаантай гэнэ. Нэгд, Монголд уул уурхайн үйлдвэрлэл хурдацтай нэмэгдсэн, хоёрт, БНХАУ механик болон цахилгаан хөдөлгүүрт бүтээгдэхүүний татварыг нэмж машины экспортыг дэмжсэн, гуравт, Монгол Улс сүүлийн жилүүдэд хөдөө аж ахуйнхаа хөгжилд анхаарч байгаагаас газар тариалангийн зориулалттай техникийн хэрэгцээ өссөн, дөрөвт, Хятадын машины үйлдвэрлэл өсч гадаад зах зээлээ өргөжүүлэн харьцангуй хямд үнийн бодлого барьж байгаа юм байна.