Шинэ жилийн баяртаа хамгийн сайхан хувцаслан очихыг хүлээж байгаа бүсгүйчүүддээ шинэ мэдээлэл дуулгая. Тансаг ноолууран хувцсаар амьсгалсан коктейль шоу шинэ жилийн өмнөхөн охид, бүсгүйчүүдтэй “уулзах” гэж байна. “Cashmere Workshop”  брэндээс зохион байгуулах шинэ жилийн  баярт зориулсан ноолууран даашинзны коктейль шоу ирэх арванхоёрдугаар сарын 2-нд 18.00 цагаас “Khaan palace” зочид буудалд болох ажээ.

“Cashmere Workshop”  брэнд Монголын  ноолуурын зах зээлд   хараахан нэвтрээгүй байсан “Сваровский”  шигтгээ болон, үнэт чулуугаар гоёлын  загваруудаа  чимэглэдэг онцлогтой. Хамгийн гол нь бүсгүйчүүдийн сонирхсон  өнгө  загвараар  хүссэн  чимэглэлийг нь хийж  үйлчилдэг бөгөөд үйлчлүүлэгч  бүрийн захиалгыг  тусгайлан авдаг юм. Энэ удаа шинэ жилийн баярт зориулсан коктейль шоунд зориулсан даашинзуудад АНУ-аас захиалан  авчирсан торон болон шүрэн чимэглэл,  “Сваровский”  шигтгээг  суулгаж  өгснөөрөө дахин давтагдашгүй ур хийцтэй болсныг зохион байгуулагчид онцолж байлаа.