Үндэсний соёл амралтын хүрээлэн, “Бодь Электроникс” компани хамтран “Halloween” фото зургийн уралдааныг өнгөрсөн аравдугаар 17-ноос энэ сарын 7-ныг хүртэлх хугацаатай зарласан билээ. Уралдааны дүнг өчигдөр Үндэсний соёл амралтын хүрээлэнгийн “Sport Pub”-д таницуулж, шагналын эздийг тодрууллаа. “Halloween” фото зургийн уралдааны ялагчийг “MacBook Air”-ээр  шагнасан. Тус уралдаанд нийт 300 гаруй оролцогчын 1000 гаруй бүтээл ирнээс шилдэг 75 зургийг Үндэсний соёл амралтын хүрээлэнгийн Facebook хуудсанд байруулсан байв.

Дээрх шилдэг 75 зургаас шилдэг дөрвөн гэрэл зурагчныг урамшуулсан юм. Facebook хуудсын хамгийн шилдэг гэрэл зураг буюу 2692 хүний like авсан хамгийн уран сэтгэмжтэй, хамгийн аймшигтай гэрэл зургийг авч чадсан Б.Ганчөдөр Ipod shuffle-аар шагнуулав. Харин хоёрдугаар байрт 2590 хүний like авсан С.Өнөболдийн гэрэл зураг шалгарч Үндэсний соёл амралтын хүрээлэнгийн bowling төвөөр үйлчлүүлэх эрхтэй болсон юм.

“Halloween” фото зургийн уралдааны тэргүүн байр буюу “MacBook Air”-ийн эзнээр Э.Энхтулга тодорч, дэлхийн хамгийн нимгэн notebook болох “MacBook Air”-ээр шагнууллаа. Э.Энхтулга нь “Halloween” фото зургийн уралдаанд “Оройн зоог” нэртэй гурван цуврал зургаар оролцсон юм. Харин хоёрдугаар байрт Ж.Батсайханы гэрэл зураг тодорч, Үндэсний соёл амралтын хүрээлэнгийн бизнесийн төвд 200,000 төгрөгөөр үйлчлүүлэх эрхээр тус тус шагнууллаа.

Сонирхуулахад, Үндэсний соёл амралтын хүрээлэн цаашид сар бүр “Бодь Электроникс” команитай хамтран сонирхолтой гэрэл зургийн уралдааныг зохион байгуулахаа оролцогчдод амласан. Иймд гэрэл зураг сонирхогч залуус та бүхэн дараагийн уралдаанд идэвхитэй оролцоорой.