Баянгол дүүргийн 19 дүгээр хороо, дөрөвдүгээр хорооллын 57 дугаар байрны цахилгаан шатанд хүн гацсан гэх дуудлага өчигдөр 19:37 цагт шуурхай бүлгийн 105 тоот утсанд иржээ. Дуудлагын дагуу очиход тус байрны тавдугаар орцны 7-8 давхрын хооронд цахилгаан шатанд дөрвөн хүн гацсан  байсныг гаргасан байна.

Мөн энэ сарын 25-26-нд шилжих шөнийн 03:42 цагт зам тээврийн ослын дуудлага ирсэн байна. Чингэлтэй дүүргийн 14 дүгээр хороо, зургаан буудлын автобусны буудлын замд Ниссан маркийн автомашин, Тоёото маркийн автомашин мөргөлдөж, 30 настай эмэгтэй Э хавчуулагдсан байсныг аврах бүлгийнхэн гаргаж, ГССҮТ-д хүргэжээ.

Нийслэлийн шуурхай бүлэг 105 утсанд өнгөрсөн шөнө нийт найман дуудлага ирсэн байна. Үүнээс галын гурав, зөрчлийн нэг,  цахилгаан шатанд хүн гацсан нэг, зам тээврийн ослын нэг дуудлага ирсэн байна.