Монголын Тулгар төрийн 2220, Их Монгол Улс байгуулагдсаны 805, Үндэсний эрх чөлөөний хөдөлгөөний 100, Ардын хувьсгалын 90, Бүгд найрамдах улс тунхагласны 87 жилийн ойг тохиолдуулан арваннэгдүгээр сарын 25-нд буюу өчигдөр Туркийн Анкара хотын Чанкая дүүрэг дэх Чингис хааны хөшөөнд цэцэг өргөж, хүндэтгэл үзүүлжээ.

Энэ арга хэмжээг Монголын ЭСЯ зохион байгуулсан бөгөөд Туркийн Гадаад харилцааны яам, Чанкая дүүргийн захиргаа болон Анкарад сурч буй монгол оюутнууд оролцсон байна.