Бүтэн зургаан жилийн турш 700 сая ам.доллараар их засвар хийн “дахин мэндэлсэн” Оросын Их театр нэгэн шинэ хөтөлбөр хэрэгжүүлж эхэллээ. Тэд тусгай хөтөчтэй, театр доторх аяллыг үзэгчдэд санал болгож байгаа юм.

Долоо хоногийн даваа, лхагва, баасан гаригуудад ийм аяллыг хийж болох бөгөөд тэр үеэр жүжигчдийн сургуулилалтыг үзэж сонирхох боломжтой гэнэ. Их засварын дараа өнгөрсөн аравдугаар сарын 28-нд “Руслан Людмила” дууриар нээлтээ хийсэн театрт зочдын хөл тасрахгүй байна.